समाज सेवा जागृति महिला बचत तथा ऋण सहकारी संस्था लि रामेछापको १६ औँ वार्षिक साधरणसभा तथा छैँठौ अधिवेशन आज (शुक्रबार ) सम्पन्न भएको छ। अधिवेशनमा सचिव निरमाया शाहीकाे आज्ञाले सस्थाकाे साङ्गाठानिक प्रगति प्रतिवेदन अपना कुमारी श्रेष्ठले वाचन गर्नुभएको थियोे । त्यसैगरी ५ सय ४१ जना सेयर सदस्य रहेको संस्थाको आव २०७९/८० मा ४ लाख ५ हजार ६ सय सेयर पुँजी रहेकोमा १ करोड ३५ लाख ७६ हजार २ सय ९० रुपैयाँ ९० पैसाको कारोबार गरेको कोषाध्यक्ष कल्पना देवकोटाले प्रस्तुत गर्नुभयो भने लेखासुपरिवेक्षण चन्द्रा खड्काले लेखा प्रतिवेदन वाचन गर्नुभएको थियो ।

संस्थाले १ करोड १७ लाख ६६ हजार लगानी गरेको र २८ लाख २६ हजार ५ सय ७४ आम्दानी गरेको साथै १६ लाख ७४ हजार ६ सय ७७ रुपैँयाँको खर्च भएको आर्थिक प्रगति प्रतिवेदनमा उल्लेख गरिएको छ । कार्यक्रममा सहकारीका अध्यक्ष लक्ष्मी घिसिङ्गको अध्यक्षता तथा रामेछाप नगरपालिकाका प्रमुख लवश्री न्यौपानेको प्रमुख आतिथ्यता, रामेछाप नगरपालिका वडा नं. ८ का वडा अध्यक्ष सन्तोष तामाङ्ग, जिल्ला सहकारी संघ, रामेछाप नगरपालिका भित्रका सहकारीका प्रमुख एवम् प्रतिनिधीहरु, संस्थाका शेयर सदस्य,बचतकर्ताहरुको उपस्थिती रहेको थियो ।

साथै सहकारीको छैठौ अधिवेशनले पुरानै कार्यसमितिलाई निरन्तरता दिएको छ भने लेखा सुपरीवेक्षण समिति संयोजकमा घनामाया श्रेष्ठ सदस्यमा हिममाया श्रेष्ठ र कोपिला खुलाल मगर चयन हुनुभएको थियो ।