तिहारको अवसरमा आयोजना गरिएको खुल्ला पुरुष फुटबल प्रतियोगिताको उपाधि आयोजक शैले शिखर युवा क्लबले जितेको छ । रामेछाप नगरपालिका वडा नं ८ टुँडिखेलमा खुल्ला पुरुष फुटबल प्रतियोगिता सम्पन्न भएको हो ।

(आज) मंगलबार भएको खेलमा आयोजक शैले शिखर युवा क्लबले नगद ५० हजार सहित ट्रफी उचालेको हो । शैले शिखर युवा क्लबले हिमगंगा फुटबल क्लबलाई १२ गोल गरेको हो । हिमगंगा फुटबल क्लबले भने २ गोल मात्रै फर्काउन सक्यो ।

दोश्रो भएको हिमगंगा फुटबल क्लबले नगद २५ हजार सहित ट्रफी प्राप्त गरेको हो । प्रतियोगितामा खड्ग दल गण तेश्रो हुन सफल भयो । खड्ग दल गणले तेश्रो स्थानमा चित्त बुझाउँदै नगद १० हजार र ट्रफी प्राप्त गरेको हो ।

प्रतियोगितामा प्रथम,द्धितिय र तृतीय हुने टिमका खेलाडीलाई मेडल र प्रमाण पत्र प्रदान गरिएको छ । प्रतियोगितामा सान्त्वना स्थान हासिल गरेको लायन्स क्लबका खेलाडीहरुलाई प्रमाण पत्र प्रदान गरिएको थियो ।

प्रतियोगिताको उत्कृष्ट खेलाडी श्याम माझी,उत्कृष्ट गोल रक्षक अजय माझी,उत्कृष्ट डिफेन्डर भिम माझी,उत्कृष्ट गोलकर्ता करण खड्का र उदाउँदो खेलाडी ईश्वर माझी घोषित हुनुभयो ।

उहाँहरुले नगद २ हजारको साथमा मेडल र प्रमाण पत्र प्राप्त गर्नुभयो । रामेछाप नगरपालिकाका प्रमुख लबश्री न्यौपाने र नगरपालिकाका प्रवक्ता समिर कार्कीले विजयी टिम तथा खेलाडीहरुलाई पुरस्कार प्रदान गर्नुभयो ।

प्रतियोगिता संचालन अवद्यिभर सहयोग गर्ने सहयोगी संस्था तथा व्यक्तिहरुलाई समेत प्रशंसा पत्र प्रदान गरिएको थियो । आइतबारदेखि सुरु भएको प्रतियोगितामा १० टिमले सहभागिता जनाएका थिए ।

शैले शिखर युवा क्लब रामेछाप नगरपालिका ७ सिम्लेको आयोजना र डि.आर.एम अटो स्पेयर पार्ट एण्ड वर्कशपको सह आयोजनामा प्रतियोगिता संचालन गरिएको हो ।